દેશમાં ત્રીજો અને ગુજરાતમાં પ્રથમ નંબરે ડાયરેક્ટ શેરડીના રસમાંથી ઇથેનોલ બનાવતો પ્લાન્ટ તરીકે ધારીખેડા નર્મદા સુગર માં કાર્યરત કરાયો

Spread the love
  •  
  •  
  •  
  •  
  •  

નર્મદા ધારીખેડા સુગર ઇથેનોલ પ્લાન્ટમાંથી નીકળતા કાર્બન ડાયોક્સાઇડ નું વેચાણ કરશે : નવી વૈજ્ઞાનિક પદ્ધતિ બે આંખની અને એક આંખ ની કળીના રોપા અને ટુકડા પદ્ધતિથી નર્મદામાં શેરડીનું વાવેતર થશે ; શેરડી નુ બિયારણ આપી ખેડૂતોને આર્થિક ફાયદો કરાવી મહેનતમાં ઘટાડો કરાશે.

નર્મદા અને ભરૂચ જિલ્લાની જીવાદોરી સમાન ધારીખેડા સુગર ફેક્ટરી શેરડીના પીલાણ શરૂઆત થઈ છે. આ પ્રસંગે ચેરમેન ઘનશ્યામ પટેલે જણાવ્યું હતું કે દેશમાં ત્રીજો અને ગુજરાતમાં પ્રથમ નંબરે ડાયરેક્ટ શેરડીના રસમાંથી ઇથેનોલ બનાવતો પ્લાન્ટ ધારીખેડા નર્મદા સુગર માં કાર્યરત કરાયો છે. ઇથેનોલ બનાવતી બીજી બધી કંપનીઓ કાર્બન ડાયોક્સાઈડને હવામાન છોડી દે છે, જેને કારણે પર્યાવરણને પણ નુકસાન થાય છે, જ્યારે ધારીખેડા સુગર ફેક્ટરી માં કાર્યરત ઇથેનોલ પ્લાન્ટમાંથી નીકળતા કાર્બન ડાયોક્સાઇડ નો સંગ્રહ કરશે અને તેનું વેચાણ કરશે. જેનાથી ખેડુતોને શેરડીના સારા ભાવો તો મળશે પણ સાથે સાથે પર્યાવરણને નુકસાન પણ અટકશે.

વધુમાં નર્મદા શું કરે ભરૂચ-નર્મદા જિલ્લામાં ખેડૂતો માટે શેરડી ના રોપા વાવેતર અંગે નવતર પ્રયોગ આદર્યો છે. જેમાં ભરૂચ નર્મદા જિલ્લામાં ખેડૂતો માટે વૈજ્ઞાનિક આધુનિક નવી પદ્ધતિથી શેરડીના રોપા વાવેતર શરૂ કરાયું છે.ધારીખેડા સુગર ફેક્ટરી છેલ્લા 3 વર્ષથી વૈજ્ઞાનિક પદ્ધતિથી તૈયાર કરેલ બિયારણ ખેડૂતોને એમના ખેતર સુધી પહોંચાડે છે. એ બિયારણ પૈકી 2 આંખની કળીના રોપા 80 લાખ રોપા ખેડૂતને 1.30 રૂપિયા લેખે અને 1 આંખની કાળીના રોપા 50 લાખ 2.50 લેખે શેરડી પકવતા ખેડૂતોને એમના ખેતર સુધી પહોંચાડાયા છે. આ બિયારણના પૈસા ખેડૂતોના શેરડીના પાક ના વળતર માંથી વ્યાજ વિના કાપવામાં આવે છે. જેનાથી ખેડુતોને શરૂઆતમાં બિયારણમાં પૈસાનું રોકાણ કરવું નહીં પડે. આ પદ્ધતિમાં ખેતરમાં ચાસ પાડવામાં આવશે ગલી પદ્ધતિથી 1 એકર માંથી 3 ટન શેરડીનું ઉત્પાદન થશે તેમ સુગર ચેરમેને જણાવ્યું હતું.
વધુમાં અગાઉ 1 એકર ખેતરમાં ખેડૂતો 3 ટન શેરડી નાના નાના ટુકડા થતા હતા. જ્યારે વૈજ્ઞાનિક ઢબે તૈયાર કરાયેલું. બિયારણ ફક્ત અડધો ટન રોપવું પડે છે જેનાથી 2.50 ટન શેરડીનું રાષ્ટ્રીય નુકસાન અટકે છે આનો સીધો ખેડૂતને જ લાભ થતો હોવાનું ચેરમેન ઘનશ્યામ પટેલે જણાવ્યું હતું.
રિપોર્ટ : જ્યોતિ જગતાપ, રાજપીપળા
  •  
  •  
  •  
  •  
  •  
CATEGORIES
Share This

COMMENTS

Wordpress (0)
Disqus ( )